Հայաստանի Ակադեմիական գիտահետազոտական կոմպյուտերային ցանց
  • ՀԱՅ
  • ENG

ԻՆՉՊԵ՞Ս ՊԱՇՏՊԱՆՎԵԼ ԿԵՂԾ ԷԼ. ՆԱՄԱԿՆԵՐԻՑ

ASNET-AM-ի բոլոր պաշտոնական էլեկտրոնային նամակները գալիս են միայն ASNET-AM-ին պատկանող տիրույթներից (domain): Տիրույթը ուղարկող կայքի անունն է, կամ, այլ կերպ ասած, այն, ինչ գրված է ուղարկողի հասցեի @ նշանից հետո: Օրինակ՝ admin-mail@asnet.am հասցեի տիրույթը asnet.am է։

Եթե ​​տեսնում եք, որ նամակը ուղարկողի անվան մեջ կա մեր պաշտոնական կայքերի/ծառայությունների անվանումը (օրինակ՝ գրված է ASNET.AM SUPPORT), սակայն ուղարկողի տիրույթը չի հանդիսանում մեր պաշտոնական տիրույթների հասցե, ապա այդ նամակը ԿԵՂԾ է և ՎՏԱՆԳԱՎՈՐ։ Օրինակ՝ եթե տեսնեք նամակ, որ կասի, թե Ձեր փոստարկղը (mailbox) լցվել է, և անհրաժեշտ է ինչ-որ գործողություններ կատարել, մասնավորապես՝ սեղմել ինչ-որ հղումի վրա, տվյալներ լրացնել և այլն, ապա այդ նամակը ամենայն հավանականությամբ կեղծ է։

Եթե ստացել եք նամակ, որ խնդրում է կատարել նմանատիպ գործողություններ, ապա մինչև որևէ կերպ այդ նամակին արձագանքելը կամ որևէ գործողություն կատարելը, ստուգեք, թե արդյոք այդ նամակը կեղծ չէ։ 

Ինչպե՞ս ստուգել:

 

1. Ի՞նչ լեզվով է գրված նամակը։

Եթե նամակում բացակայում է հայերեն լեզվով շարադրված տեքստը, ապա այն չի հանդիսանում ASNET-AM էլ. փոստի սպասարկման թիմից ստացված նամակ։

ՀԻՇԵՔ։ ASNET-AM էլ․ փոստի սպասարկման թիմը օգտագործողներին գրված նամակները շարադրում է հայերեն լեզվով (որոշ դեպքերում հայերենին զուգահեռ հնարավոր է առկա լինի ՆԱԵՎ անգլերեն լեզվով շարադրանք):

 

2. Ումի՞ց է եկել նամակը։

Նամակի From դաշտում ստուգեք, թե որն է ուղարկողի հասցեն։
Եթե
անվանումը հանդես է գալիս որպես պաշտոնական ուղարկող, սակայն հասցեն չի պատկանում ASNET-AM-ին պատկանող տիրույթի, ապա դա կեղծ նամակ է։



Հետևյալ օրինակում երևում է, որ ուղարկողի
անվանումը կարող է նման լինել պաշտոնական ուղարկողի անվանմանը, սակայն էլ. փոստի հասցեն իրականում լինի ընդհանրապես այլ հասցե։

ՆՇՈՒՄ։ ASNET-AM Webmail միջավայրում այս տեղեկությունը տեսնելու համար անհրաժեշտ է սեղմել նամակի վերին ձախ անկյունում գտնվող նշանի վրա։

ՀԻՇԵՔ։
ASNET-AM էլ․ փոստի սպասարկման թիմից ստացվող նամակները միշտ վերջանում են միայն @sci.am կամ @asnet.am տիրույթներով։

 

3. Ո՞րն է նամակի նպատակը։

Հնարավոր է՝ նամակը Ձեզնից խնդրում է տրամադրել որոշակի անձնական տվյալներ, օրինակ՝ Ձեր էլ. փոստի գաղտնաբառը։

ՀԻՇԵՔ։ ASNET-AM էլ․ փոստի սպասարկման թիմը երբեք էլ. նամակի միջոցով չի խնդրում տրամադրել Ձեր էլ. փոստի գաղտնաբառը։ Եթե ստացել եք նման նամակ, ապա դա կեղծ նամակ է։

 

Ամփոփում

Եթե վերը նշված կետերից որևէ մեկը համապատասխանում է Ձեր կողմից ստացված նամակին, ապա այդ նամակը կեղծ է և չի հանդիսանում ASNET-AM էլ. փոստի սպասարկման թիմից ստացված նամակ։ ԿԱՐԻՔ ՉԿԱ ՈՐԵՎԷ ԿԵՐՊ ԱՐՁԱԳԱՆՔԵԼՈՒ ԱՅԴ ՆԱՄԱԿԻՆ. ՊԱՐԶԱՊԵՍ ԱՆՏԵՍԵՔ ԵՎ ՋՆՋԵՔ ԱՅՆ։

 

Կեղծ նամակների օրինակներ